نافذة مصر

لما واحد صاحبى من أيام ماكنا عيال وهو بيصلى ومش بيسيب فرض وانا مكنتش بركعها .. وفى الأخر عايزين يقنعونى انه ارهابى .. يبقى فيه حاجه غلط.
لما هو يذاكر ويتعب ويطلع دكتور .. وانا اقضيها لعب واستهبال وقعده على القهوة .. وجر شكل خلق الله .. بس اهوه ربك اراد والدنيا مشيت .. ودلوقتى يقولوا ارهابى .. يبقى فيه حاجه غلط.
لما اقول له ماتيجى نرخم على البنات وهما طالعين من المدرسة .. وهو يقولى ياخى اتقى الله .. ويقولوا انه ارهابى .. يبقى فيه حاجه غلط.
لما اقوله ماتيجى نضرب الواد المسيحى ده غلبان وناخد منه السندوتشات .. وهو يقولى ياخى اتقى الله حرام عليك .. وانا اصمم واضرب الواد واخد منه السندوتشات .. وهو يديه السندوتشات بتاعته .. ويقولوا انه ارهابى .. يبقى فيه حاجه غلط.
لما نشتم ونقل ادبنا ونسب الدين .. وهو يمسك المصحف ليل ونهار.. ويقولوا انه ارهابى يبقى فيه حاجه علط.
لما انا اعيش .. وهو يموت .. يبقى قدر الله وما شاء فعل.
عن صديقى الاخوانى .. اتحدث.