أثار حصول مصر على جائزة “أسرع إنترنت ثابت” في قارة أفريقيا موجة سخرية سادت على منصات التواصل الاجتماعي من شركة (اوكلا) المغمورة ميزتها الاقتصادية أن مقرها الإمارات فأوكلت إلى نفسها قياس أسرع انترنت ثابت على مستوى القارة الأفريقية حيث تصدرت مصر الترتيب فى الربعين الأول والثاني من عام 2022.
وزادت السخرية بعدما علق وزير الاتصالات بحكومة الانقلاب عمرو طلعت من أن "حصول مصر على جائزة أسرع إنترنت أرضي في إفريقيا يعد نتاج جهود كبيرة واستثمارات ضخمة خصصت خلال السنوات الماضية لتطوير وتحديث البنية التحتية للاتصالات في مصر لضمان حصول المواطنين على أفضل مستوى من خدمات الإنترنت"!.
وتساءل المراقبون عن إطلاع "عمرو طلعت" وشركة (أوكلا) الإماراتية على ضعف الانترنت في مصر والهاشتاجات التي تصدرت خلال الفترة الماضية تطالب بزيادة سرعة الانترنت وإعادة الاستخدام العادي إلى نظام الباقات اللامحدودة لتجنب سرعة نفاذ الباقة أو عدم كفايتها، وزعم طلعت أن "متوسط سرعات الإنترنت الثابت تضاعف نحو 8 مرات خلال 3 سنوات، كما ساهم في دعم قدرة البنية التحتية على استيعاب الزيادة غير المسبوقة في حركة مرور البيانات وتسريع وتيرة التحول الرقمي"!
وكتب الاعلامي محمد ناصر تعليقا عبر (مصر النهاردة) على جائزة أسرع إنترنتفقال: "وكم في مصر من مضحكات ولكنه ضحك كالبكاء ".
وأضاف إليه حساب جناب العمدة "هم بيتكلموا عن أسرع في افريقيا. وهي افريقيا تعرف يعني ايه انترنت غير شمال افريقيا بس".
وغردت (إيمان) "جائزة اسرع انترنت ثابت في افريقيا ! .. هي كل الجوايز بالغش كدا !".
وكتب (اسكندراني عاشق لمنير)، "وجائزة أسرع انترنت ثابت في افريقيا تذهب الي مصر (وجوه ضاحكة) اساسي طبعا ماهو ثابت فعلا مش بيتحرك".
وأبدى (سحر العيون) اندهاشا من فوز مصر فتساءل ساخرا "مصر خدت جايزة أسرع إنترنت بأفريقيا .. مصر مين ...!!! مصر بتاعتنا..".
ورأى (أحمد طه) أن الجائزة صحيحة إن كان نيتهم على هذا النحو "قصدهم اسرع انترنت ارضي في سرقة الباقة في 3 ايام ".
وساخرة كتبت (Hoda Elmenshawy)، " ابتسامة اليوم ..... اذا كان عندنا النت هو الاسرع في افريقيا .. يبقي هناك عامل ازاي هههههه".
شكاوى على الخبر
واستغل (Khalid) الفرصة وسجل شكوى ضد الانترنت في مصر "مصر اخدت جائزة اسرع إنترنت ثابت في افريقيا .. وبالمناسبة دي احب اقول ان الانترنت عندي فاصل النهاردة طول اليوم ودي المرة الرابعة الشهر ده -النهاردة لسه يوم ١٠- وبتكلم مع الفني والناس السبب في العطل قالولي روح اشتكينا وحل عن دماغ (...) امي ".
واستعرضت (الاسكندرانيه) مشكلتها "الو، شركه اوكلا، تغريداتي بتوصل لشريحه من الشعب بعد ٨ شهور... - ايوه يا انسه، مش ذنب الخط... امال ذنب مين ؟.. - التغريده بتروح الامارات الاول وبعدين لما اللجنه توافق تخش علي مصر.. وبعدين؟.. -لما تخش علي مصر تعدي علي لجان السيسي، لجان الجيش، لجان المخابرات، لجان شبرا، وبعدين توصل الشعب".
رأي خبير
حساب (Tech Time) على فيسبوك استعرض كخبير أصل الحكاية وكتب "بمناسبة ان مصر بتحصل على اسرع انترنت ثابت فى افريقيا ونزلت عنه بوست النهارده .. اللى اصلا القاره كلها فقيره ومعدومه "، مشيرا إلى "تقرير موقع visualcapitalist بيتكلم فيه عن سرعات الانترنت فى العالم طبقا لكام عنصر كدا .. هتلاقى خريطه للعالم بالوان مختلفه وفيه مقياس للسرعه من الاصفر اللى هو ااقل حاجه (كالسلحفاة) للبنفسجي اللى هو اسرع حاجه (كالأرنب) وبتبين الألوان كان مصر لونها يميل للأصفر.
وخاطب شركات الاتصالات في مصر قائلا "ياريت يا جماعه بلاش فشخره على الفاضى .. بلاش سرعات معدومه وانترنت مش مستقر فى قاره فقيره ونتباهى .. احنا مفيش عندنا بنيه تحتيه بقالنا سنين بنبى فيها .. مفيش لسه مؤشرات للجيل الخامس 5G .. البلد نفسها مش قادر تغطيها فايبر Fiber.. الباقات اللى بتتسرق من المستخدمين فى خلال 15 يوم .. الدعم الفنى اللى دون المستوى ".
مقاطعة قريبة
وذكرت بيري أحمد بحملة مقاطعة الانترنت القريبة فكتبت "#مقاطعه_شركات_النت_15_10 سرعة النت السلحفاة اغرب خبر .. الناس دي بتكذب علي مين ؟!!".
وايدها (هزيم الرعد) فكتب "هي المشكلة انهم مفكرين الناس مبتفهمش .. شركة اوكلا برنامج بسيرفر مش موضوع كبير لو دفعت هتاخد النتايج اللي انت عايزها دي حاجة.. ثانيا مصر بتحاسب علي الجيجات المستهلكة مش السرعه يعني لو رجت وقولتلهم انا عايز سرعه 300 ميجا في الثانيه هيدوك لكن 1000 جيجا هيقولك لأ محدود.. فكل دا في الهجايص".
وقال(che): : "من الخبر يمكن الاستدلال بأن المدعوة شركة " أوكلا" شركة قائمة على الفساد( نقطة آخر السطر).
