وجه حسام حسن، المدير الفني لمنتخب مصر، رسالة إنسانية مؤثرة عبّر خلالها عن تضامنه مع الشعب الفلسطيني، مؤكدًا أن ما يتعرض له الشعب الفلسطيني يمثل وصمة عار على ضمير العالم بأسره.
وجاءت تصريحات المدير الفني للمنتخب المصري خلال المؤتمر الصحفي الذي سبق مواجهة مصر والأرجنتين في دور الـ16، بعدما أثار رفع علم فلسطين عقب الفوز على أستراليا في دور الـ32 اهتمامًا واسعًا.
وقال حسام حسن: «رفع علم فلسطين؟ كل واحد ليه مشاعر، وإذا وُجد فرد في العالم محسش بالشعب الفلسطيني ميبقاش بني أدم، سواء عربي أو اوروبي أو أمريكي».
عار على العالم اللي سايب شعب فلسطين
وتابع: «لو فيه حيوان حد قسى عليه بتطلع حقوق الانسان والحيوان والدنيا كلها، لكن لما كل يوم ناس بالألافات يحصل معاهم كدا وأطفال وستات واحنا قاعدين في تكييف وفوقنا سور وشقق وأكل قدامنا وفيه أطفال وشعوب قاعدة في خيم وصيف وشتا وشمس ومطر، لما بتبقى الدنيا حر عايزين تكييف، ولو شتا عايزين بيت مقفول ودفايات وغطا، الشعب الفلىىىطيني قاعد في العرا».
وأضاف: «فيه أطفال مش لاقيين ياكلوا وبيتعرضوا لأمراض من قلة الأكل والنوم والحياة، لو محسيتش بيهم يبقى مليش لازمة أعيش، لو مفيش بني آدم حس باللي بيحصل يبقى مش بني أدم، مينفعش يعيش».
وواصل: «الناس اللي في إيديها القرار تحط نفسها وأولادها إنهم يقعدوا يوم واحد بس في الشارع والشمس والمطر يقعدوا بس يجربوا ونشوف هيعيشوا ازاي، لما بيحصل سيول هنا الناس كلها بتجري، لكن السيول بتحصل هناك ومعندهمش حاجة يتدفوا بيها، عاااار على العالم كله وعلينا كله وعلى اصحاب القرار اللي سايبين بني ادمين زينا زيهم.
