قامت قوات أمن الانقلاب بالغربية بحملة لإزالة بعض الأكشاك بمنطقة الترعة بقرية كفر كلا الباب التابعة لمركز السنطة وسط استياء الأهالي وغضب أصحاب الأكشاك.
قال "نافع" (صاحب كشك سندوتشات): أنا عامل شهادة صحية ومعايا ورق من المجلس المحلي وبتوع البلدية كل يومين بياخدوا مني فلوس وماصيين دمي ، بعد دا كله يزيلوا الكشك بتاعي برضوا ، حسبي الله ونعم الوكيل .
وأفاد "سمير" (صاحب كافتيريا): الحكومة بقالها 3 سنين بتشتغلنا وبياخدوا مننا فلوس إيجار للمكان وكل شهر بيزودوا علينا الإيجار وفي الآخر جايين يكسروا الأكشاك على دماغنا بحجة إننا مش معانا ورق رسمي.
وأضاف: أنا هشتكي المجلس المحلي كله ولازم آخد حقي ولازم السيسي اللي احنا انتخبناه وصبرنا عليه يجيب حق الناس الغلابة دي كلها - بحسب تعبيره.
وتابع: انا بقول السيسي لو الظلم ده استمر كتير الناس هتقطعك بسنانها الناس خلاص صبرها بينفذ.
من جانبه علق المواطن "محمود" الناس دي مظلومة ومضحوك عليها بقالهم 3 سنين ، والحكومة مركبه لهم عدادات كهربة ومية يبقى ازاي مش معاهم ورق رسمي .
وأضاف: الظابط اللي جاي في الحملة هدد الناس وقالهم اللي هيقف قدام اللودر هضربه بالنار.
يذكر أن محافظ الغربية التابع لحكومة الانقلاب قد افتتح أمس مسجد إبراهيم الكلاوي بالقرية ومر موكبه من أمام هذه الأكشاك.
