كتبت- ولاء عبده
تقول الفتاة "ت.م" إحدى المشاركات في مسيرة بحي السيوف بمدينة الإسكندرية والتي اعتدت عليها قوات المن بالإسكندرية -تقول- :
بعد ماختمنا مسيرة السيوف عند التأهيل الفكرى بشرق الإسكندرية مكناش عارفين نمشي ازاي وفجأة قال لنا الشباب أن نمشي سريعاً وعندما وصلنا للشارع اللي المفروض نركب منه فجأه لقينا المدرعات نزلوا ع رجليهم طلعنا نجرى كلنا بقيت حوالى انا و4 بنات
وتشير إلي أنهم نزلوا ورانا فأحنا فضلنا نجرى لغايه ما بوكس جه و4 تكاتك ومشروعين"ميكروباص"مليانين عساكر واحد شتم وبعدين سكتنا نزل اول واحد مسكنى من الطرحه وقلعهالي وضربنى فى العربية فى دماغى النظاره وقعت مني.
وأضاف الفتاة قائلة : بعدين نزل بضهر اﻻلى ع رجلى، والبنت التانيه اتضربت بالقلم واخت كبيره ضربوها ع دماغها وبعدين قالوا هاتوهم طلعنا نجرى دخلنا فى شارع كدا ضربونا تانى لغايه ما اغم علينا فى الشارع.
وأضافت وإحنا لسه ع الأرض ومش حاسين بحاجه جت بنت كانت معانا بس بعيد جتلنا واعدت تفوق فينا وهما مشوا بعدين طلعنا نركب بسرعه لقيناهم ظهروا تانى وقعدوا يشتموا ويقولوا كلام قذر وضربونا مرة أخري لحد ماتعبنا ووقعنا ع الأرض فسابونا ومشوا.
