أثار القبض على فتاتين قاما بالرقص في مترو الأنفاق بملابسهم العادية من أجل تحصيل أموال يقتاتون بها هم وعائلتهم الذين نهش الجوع أجسادهم غضب العديد من النشطاء والذين رفضوا فكرة رقصهم لكن الغضب الحقيقي من ترك النظام الفاسد لفنانات أقل ما يطلق عليهم عاهرات رقصن في رمضان شبه عاريات ببدل رقص غير محتشمة وقبضن الملايين، وتم تكريمهم من الدولة، في حين أن الفتاتين لم يصلا إلى ربع جرمهما والتعامل كان بالقبض عليهم.

فعلق الكاتب الصحفي عبدالناصر سلامة " بيقول لك دول اتقبض  عليهم عشان كانوا بيرقصوا في المترو. الناس للأسف بقت فاهمة موضوع #الرقص دا غلط، يجب التنبيه دايماً بالأماكن المرخص فيها الرقص، الرقص أمام لجان الانتخابات، الرقص أمام معبر رفح، الرقص أمام المنصة، الرقص أمام المتظاهرين، الرقص أمام المسؤولين، لكن كل واحد تقوم في دماغه كده ( يرقص) لأااااا  عيب بصراحة. الناس تقول علينا إيه ؟".

[https://x.com/AymanazzamAja/status/1914873636584087657](https://x.com/AymanazzamAja/status/1914873636584087657)

وقالت الصحفية رانيا الكاتب " البنات دي معملتش حاجة فعلاً يعني لو ممثلة او حد تبعهم نزل المترو وعمل زيهم كان الإعلام والصحافة والدولة هللت وفرحت وقالت جو البهجة بس حد مش تبعهم يبقى تهديد وكلابشات!! ليه كدة ما كان ممكن يعدي وشوفوا الحرامية وبتوع المخدرات وصوروهم بالكلابش ده احنا عندنا بلاوي محتاجة تتحبس".

[https://x.com/ElkhateebRania/status/1915150459439824994](https://x.com/ElkhateebRania/status/1915150459439824994)

ولفتت الناشطة وعالمة النفس سحر محمود " أنا مش ضد أسماء جلال، لأنها حرة ترقص وتلبس اللي هي عايزاه، بس هو إحنا فين بالظبط؟ في جمهورية العدل ال بالمزاج و الكيل بمكيالين؟ يعني لما أسماء ترقص بفستان مكشوف بيعتبروها  “حرية شخصية” وقيم الأسرة بتدخل فجأة في غيبوبة ! لكن لما بنتين يرقصوا ولا يعملوا حركتين في المترو وهما لابسين ( عبايات ) تقلبوها محكمة قيم وأخلاق أسرة ومجتمع وتقبضوا عليهم وتكلبشوهم وتصورهم وتنشروا الصور ولا أعتى مجرمين المافيا في العالم عبرة لمن لا يعتبر  !! الحرية عندنا بقت للي عنده متابعين وشهرة وفلوس ومركز ومكانة في المجتمع ! وقيم المجتمع بقت عصاية بنرفعها بس على الغلابة! إمتى هنشوف العدل الحقيقي؟ ولا هو لازم تبقى بنت رجل أعمال ولا مخرج ولا بنت مذيع ولا نجمة ومنورة وبتلمع علشان القانون ما يفتكرش وجودها ويعتبر رقصها حرية شخصية  ؟ ده إسمه العدل المبتور … ولا مؤاخذة !".

[https://x.com/Sahar_Eldeeb/status/1915180316903326111](https://x.com/Sahar_Eldeeb/status/1915180316903326111)

وتهكم محمد " عشان من الشعب مش ولاد الفنان الفلاني ولا مصاحبين الوزير العلاني ومش من ايچيبت .. ف ناس بقا بتشوف بتوع ايچيبت بيرقصوا بفساتين سواريه يقولوا واو كيوت اوي ونفس الناس لما يلاقوا الغلابة دول يقولك قيم المجتمع وقرف الاسرة .. طبقية مقرفة وشعب مسجون حتى مش قادر يفك عن نفسه بالرقص حتى!".

[https://x.com/MUH13MD/status/1915152275364077836](https://x.com/MUH13MD/status/1915152275364077836)

وكتب المهندس محمد السيد "مي القاضي بترقص فى رمضان ، وإيناس الدغيدي  اعترفت بالمساكنة، ومحدش اتحاسب. بس بنتين اتهزوا في المترو، إهانة القيم! لو فيه قانون، يطبق على الكل. مش على حسب اللبس والوشوش. العدل مش بالمزاج.عايزين البلد تنضف".

[https://x.com/Eng_M_El_Sayed/status/1914846565732372663](https://x.com/Eng_M_El_Sayed/status/1914846565732372663)

وأوضح وائل " أنا شايف إن تصرف البنات اللي رقصوا في المترو غلط، لأن المترو مش مكان للرقص ولا حتى للصلاة. بس القبض عليهم وتصوريهم كأنهم مجرمين مبالغ فيه، وكان ممكن الاكتفاء بغرامة زي اللي بيحصل مع المدخنين. والسؤال اللي بيشغلني: ليه مفيش حد بيتحاسب لما الرقص بيكون في إعلان أو حفلة أو ملهى؟".

[https://x.com/WAEL51551733/status/1914713227985846628](https://x.com/WAEL51551733/status/1914713227985846628)

وأشارت وفاء القناوي " حبوا يطلعوا تريند رقصوا فى عربة متروا الانفاق وشيروا الفيديو وبقوا تريند اتقبض عليهم وكل واحدة دفعت ٢٠٠٠ جنيه كفالة  .. الرقص في عربة المترو  يندرج تحت مخالفة الآداب العامة وإشاعة الفحش والفجور ..  حلال عليهم".

[https://x.com/wafaaelkenawy1/status/1914833054477983983/photo/1](https://x.com/wafaaelkenawy1/status/1914833054477983983/photo/1)

وأضاف " ظلم وافترا على ناس كانت بتهزر في المترو .. دولة رخيصة وقذرة ونظام جبان".

[https://x.com/Assem25D/status/1914667275237327083](https://x.com/Assem25D/status/1914667275237327083)

ويقدر البنك الدولي عدد السكان الذين يعانون من الفقر في مصر بنحو 60%، في ظل أزمة اقتصادية متفاقمة، إثر تعويم الجنيه خمس مرات منذ عام 2016.

وحسب الجهاز المركزي للتعبئة والإحصاء الحكومي في مصر، فإنّ خط الفقر القومي يبلغ 10279 جنيهاً في السنة، ما يعني أنه يخص من يقل دخلهم الشهري عن 856 جنيهاً تقريباً. بينما يقدر البنك الدولي خط الفقر بـ2.15 دولار يومياً، بما يعادل نحو 107 جنيهات في اليوم.

ودفع التزام الحكومة بسياسات صندوق النقد الدولي، التي تركز على تحرير سعر صرف الجنيه، ورفع معدلات الفائدة ما قذف بالمزيد من المصريين تحت خط الفقر.