تداول مواطنون من الإسكندرية كارثة من الانهيار الأخلاقي فضلاً عن الصحي في شوارع مصر حيث عثرت مواطنة على فتاة في الشارع تعرضت لضرب وفي حالة إعياء شديدة بسب اعتداء جسدي وجنسي عليها، وبالتعاون مع طبيب بالمنطقة اكتشف أنها تحمل جنينًا وأنها مصابة بـ"الإيدز" (نفى طبيب آخر هذه المعلومة لاحقا).
الكارثة أنه بسؤال الفتاة من والد الجنين (الشهر الرابع) قالت إنه اعتدى عليها (مئات) الشباب والرجال!
وأضاف متابعون أن الطبيب تعامل مع الحالة وتوصل إلى "المئات" من الشباب في الاسكندرية (منهم سواقين تكاتك وميكروباصات وبعضهم متزوجين، يعني ممكن يكونوا نقلوا المرض (أو أمراض خطيرة أخرى) لزوجاتهم.
وأجمع المواطنون أن الركن الركين في الحادثة أن المجتمع يشهد حالة من ضياع الأخلاق، فضلاً عن أحد المتداولين للقصة قالت إن الطبيب حاول عمل بلاغ بالحادثة "لكن واجه مقاومة من السلطات، وكأنه ليس من اختصاصهم".
"محمود درويش الحجار" تساءل "لمن نشكوا ومن المسئول ؟". مشيرا إلى أن الطبيب هو د.حاتم البنا تعرف من الفتاة على معظم أسماء الشوارع والحوارى محل الاعتداءات ووصل إلى توقيعه محضر في القسم فقالوا : "مش اختصاصنا وهانعملها محضر آداب "!
وأضاف أن الطبيب "خاف على البنت وبلغ الجهات المسئولة وجارى التعامل مع البنت وتقديم العلاج لها " لعله يقصد الجهات الصحية..
الخطير برأي "الحجار" أن "..ممكن واحد يروح يحلق عن الحلاق ويكون الحلاق مش مغير الموس ويتعدى من واحد قبله ، انتوا متخيلين المدى اللى وصلناله.. وممكن يبقا واحد من بلد تانيه واعتدى عليها وروح بلده اتعامل عادى مع مراته او اعتدى على واحده تانيه و دوخينى يالمونه.. امشوا كده بخيالكم وهاتعرفوا مدى المصيبه والوباء سريع الانتشار اللى احنا فيه. ".
واعتبر أننا اليوم في حالة من غضب "ربنا ومالوش رادع ، ربنا بيمهل ولا يهمل .. ربنا لما بيستجيب لدعوة مظلوم او بيستجيب ل آنين حيوان مقهور من بنى ادم.. بيبقا ده رد ربنا على كل الظلم ".
كارثة في الاسكندرية
نسمة علوان وعبر منصات في الأسكندرية قالت إن الحادثة تعكس ".. أبعاد كثيرة من الأزمة المجتمعية والصحية. المشكلة مش بس في الإيدز أو الأمراض المنقولة جنسيًا، لكن في تدهور القيم الأخلاقية في المجتمع. كتير من الشباب مش واعيين للمسؤولية الكبيرة اللي عليهم في التعامل مع الآخرين، خصوصًا مع فئات مهمشة زي بنات الشوارع. الحكاية مش بس عن المرض، دي كمان عن تدمير حياة ناس بسبب تصرفات متهورة وغير مسؤولة. وفي النهاية، الكارثة مش بس على الشخص اللي تم الاعتداء عليه، لكن كمان على كل فرد في المجتمع.".
وأضافت Nesma Elwan "إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ" (الرعد: 11)... الآية دي بتقولنا إن التغيير لازم يبدأ من داخلنا. يعني لو كل واحد فينا ركز في تصحيح أخلاقياته، هنبني مجتمع صحي وأخلاقي. إذا كل واحد اتقي الله في تصرفاته، هنتجنب كوارث كتير زي اللي حصلت في القصة دي.".
وخلصت إلى أنه "في النهاية، الموضوع مش مجرد حادثة فردية، ده بيكشف عن أزمة أكبر في المجتمع والوعي الأخلاقي. ربنا بيقول لنا في القرآن إننا لازم نتعامل مع بعض بالرحمة والاحترام، وده اللي ممكن يساعدنا في بناء مجتمع أفضل وأكثر صح".
https://www.facebook.com/nesmaelwan1990/posts/pfbid02BeNg7gdfyPP4iyZL6w39mUPsBebNowLPTLCCXkrt1zw8hptUEBX5KN19PvGXhaVbl
وحاول د. أحمد حمزة مقابلة الفتاة وكذب خبر أنها مصابة ب"الايدز" لكنه لم ينف وصول أمراض أخرى خطيرة بسبب هذا الطاعون الأهوج الانهيار الاخلاقي على ما يبدو.
https://www.facebook.com/ahmedhamzabeso44/videos/649347318091941/
