اشتكى الكثير من المتضررين من سكن لكل المصريين في الإعلان 14 و 15 بسبب استبعادهم بعد انتظار 5 سنوات وعدم الالتزام بكراسة الشروط .
وقال أصحاب الوحدات أنه بعد 5 سنوات تم دفع ما يقرب من أكثر من 500 ألف جنيه ما بين مقدم وأقساط، تم غلق سيستم صندوق سكن لكل المصريين، واستبعاد جميع المتعاقدين بحجج مختلفة مخالفة لكراسة الشروط التي هي العقد الملزم بين الطرفين.
وجاءت الحجج متنوعة ما بين تأخر في دفع الأقساط رغم وجود بند 1.5% غرامة تأخير عن الشهر، إلا أن السبب كان هو ارتفاع أثمان المباني عن الفترة التي تم التعاقد عليها.
لماذا أغلق السيستيم؟
وتساءل الموطنون عن غلق السيستيم قبل تسليم الوحدات والمتضررين يمكنهم بعد 5 سنوات استرجاع ماتم دفعه، مخالفا لشروط التعاقد، ورغم الشكاوى إلا أن المسئولين رفضوا مقابلتهم، وهددوا باعتقالهم.
ردود الفعل
كتبت شيماء محمد "طيب والي مسدد كل الاقساط ف ميعادها ومااتخصصلهوش ولا اتحول لبنك علشان الافاده بالارباح الي هي اصلا مش مكتوبه ف كراسة الشروط من ضمن الاوراق".
وأضاف عبدالحميد "كراسه الشروط بتقول بعد 36 شهر استلام احنا بقى لنا سبع سنين ما فيش اي حاجه لغايه دلوقتي اعلان عاشر 2018 مش انا لوحدي في ناس كتير معانا دول بيلعبوا بالناس اللي في الصندوق شغالين بالرشاوي وقله ادب مش ملتزمين بالشروط في الكراسه".
وأشار محمد "حتى اللى التزم فى الدفع متخصصش ليه وحدةومنزلين الشقق اعلان جديد بسعر اعلى والناس اللى بقالها ٤ سنين و ٥ سنين بتدفع لسه معلقينهم ومحدش عارف موقفه ازاى بعد الالتزام وموافقة الصندوق وموافقة البنك يجى الصندوق يوقف التخصيص عليناوعايزين ينزلوا الشقق اعلان جديد يوم ٢١ مايو.. حسبي الله ونعم الوكيل فى كل شخص مسؤل عن اللى احنا فيه دة..".
وقال ويسو شريف "السيستم حضرتك قافل من شهر 6 لحد ما فتح يومين في شهر أكتوبر يومين وبردة اتقفل تاني حتي اللي لحق ودفع رفضوا ملفه".
وأوضحت نونا الهداد "انا اعلان 15متوسط الدخل ودافعين كل الاقساط في معادها وحتي الان في انتظار الاستعلام والصندوق لا حياه لمن تنادي".
ولفتت عزة "عل فكره ناس كتير دفعوا اقساطهم في ميعادها دون تأخير ولسه مافيش اي استعلام او استلام".
ونوهت منى عبدالغني "انا الاعلان ١٥ ومجاش استعلام ورد الصندوق قيد الانتظار لحين جاهزية الوحدات والاعلان الجديد هايستلم فوري دة معناه الشقق بتاعتنا هاتروح لهم ولا ايه".
