تساءلت عائشة الشاطر، نجلة المهندس خيرت الشاطر، نائب المرشد العام لجماعة الإخوان المسلمين، عن بكاء القاضي في محاكمة مبارك ومعاونيه.

وكتبت عائشة عبر موقع التواصل الاجتماعي: "عايزة اسأل القاضي اللي عيط واتأثر اووي لما سمع العادلي و هو بيترافع و يدافع عن نفسه، اشمعني العاطفه و الأحاسيس دي مش بتبقي موجوده لما بتشوف أهالي المعتقلين وهما بيعيطوا ويتذللوا لك انهم يدخلوا يشوفوا أهاليهم في المحكمة ورغم دموعهم وبكاءهم مبتتأثرسش وبمنتهي القسوة بتمنعهم".

وتابعت تقول: "اشمعني مبتعيطش لما بتشوف منظر محمد سلطان وهو داخل علي نقاله ومش قادر يتحرك ولا حتي بتخرجه، اشمعني مبتعيطش لما بتسمع المرشد بديع وهو بيتكلم وأسنانه واقعه علشان لما ضربوه وهما بيقبضوا عليه وهو بيقول مين الإرهابي اللي قتل ابني وحرق بيتي وسجني وفي الاخر بيتهمني انا وبيسجني، اشمعني مبتعيطش وانت بتحكم علي شباب زي الورد معملوش اي حاجة بالإعدام والمؤبد والعشرين سنه سجن."

ومضت في تساؤلاتها للقاضي المذكور: "اشمعني مبتعيطش لما بتشوف الأب اللي بيحاول يبوس بنته الطفلة الصغيرة من ورا القفص لان دي الفرصة الوحيدة اللي بيشوفها فيها. اشمعني الانسانية والأحاسيس كلها بانت مع ناس ومع ناس تانيه انعدمت. ولا علشان التمثيلية تكمل و تبقي محبوكة !!!!!!!".

وكان المستشار محمود الرشيدى رئيس ما يعرف بمحاكمة القرن، قد أبدى تأثره بكلمات اللواء عدلي فايد ، مساعد وزير الداخلية الأسبق لقطاع الأمن العام، في نهاية مرافعته عن نفسه وبلغ منه التأثر درجة البكاء وحاول إخفاء دموعه.