محمد ماهر عقل المذيع بقناة الجزيرة مباشر مصر .. وموفد الجزيرة لجنيف لحضور جلسة الامم المتحدة..

يقول في تدوينة له على فيس بوك:

 اتصلت بكمال الهلباوي عضو وفد حكومة السيسي لجنيف لحضور جلسة الامم المتحدة لحقوق الانسان الخاصة بمصر.

-محمد ماهر : سلام عليكم ..ازيك ياعم الحج كمال ..واحشني .
- كمال الهلباوي: ازيك يابني اخبارك ايه ..
-محمد ماهر : عاوز اعمل معاك مقابله كده في عشر دقايق عن رأيك في الجلسة وتوصيات الدول لمصر ووضع حقوق الانسان في مصر ..
-كمال الهلباوي: عنيا ليكي يامحمد ..هي لقناة ايه ؟
-محمد ماهر : الجزيرة ياحج كمال ..
-كمال الهلباوي: ايه ؟!...لا يابني انا مبعملش مقابلات مع الجزيرة انا قررت اقاطعها من فتره كده ..
-محمد ماهر : ليه ياحج بس ده انت طول عمرك بتحب الجزيرة ..
-كمال الهلباوي: لا يا ابني انتو ضد مصر وبتلفقوا اخبار وبتضللو المشاهدين ..
-محمد ماهر : احنا ضد مصر وبنلفق اخبار زي ايه ياحج كمال ؟
-كمال الهلباوي: ده كلام يطول شرحه يا ابني ..بس انت يامحمد ملكش دعوه ..انا بتكلم عالجزيرة
-محمد ماهر : اممممم..يعني انت شايف اننا بنضلل المشاهد وبنلفق اخبار ..امال القنوات المصرية اللي انت بتظهر عليها دي بتعمل ايه ياعم كمال ..
- كمال الهلباوي: لا يا ابني فيه فرق بين اللي بيلفق لصالح مصر واللي بيلفق ضد مصر ..الاعلام المصري اه مش مهني بس لصالح مصر ..
-محمد ماهر : امممممم يا حج كمال ..القيامة هتقوم قريب ..سلامو عليكم .