نافذة مصر / بوابة الأهرام

كتبت آية كمال إحدى الفتيات المعتقلات بأحداث العباسية عدة تدوينات عن تجربتها وتجربة زميلاتها خلال اليومين الماضيين عبر حسابها على "تويتر" أوضحت أن أول شيء قامت به هى وزميلاتها قبل لحظة خروجهن من سجن القناطر هو السجود شكرا لله، مضيفة "وأول ما خرجنا من المباحث هتفنا يسقط يسقط حكم العسكر".

ووجهت آية الشكر لكل من اهتم بأمرهن، مطالبة بضرورة بذل كل جهد حتى يتم الإفراج عن الشباب المعتقلين، وقال "أشكر كل إنسان اهتم لأمر كل واحدة فينا ومرتحش إلا لما خرجنا وبقولهم بعد اللى حصل لى أنا والبنات واللى عارفة إنه بيحصل للولاد لازم لازم نطلعهم، اللى حصل لنا حتى لحظه الإفراج كان أكثر من بشع، واللى شفناه بعنينا بيحصل للولاد أبشع بمراحل لازم نجيب حقهم ونطلعهم".

وتابعت آية تصف لحظات الإفراج عنهن موجهة الشكر لمن استقبلوهن "الداخلية قالت لنا انتوا زى اخواتنا مش هنطلعكم الساعه 2 بالليل، هنسيبكم الصبح خليكم معانا، ورفضوا نكلم أهلنا ييجوا يأخدونا، وقعدوا يماطلوا فى الإجراءات لحد لما صلينا الفجر، وفجأه قالوا لنا يلا انتوا هتمشوا، وطلعونا من مبنى المباحث، ومخلوناش نكلم أهلنا ونسيوا كلامهم، خرجنا مرعوبين، معناش ولا مليم، والدنيا لسه مطلعش فيها الشمس، ومعناش تليفونات، وفوجئنا بأن فى ناس مستنيانا، بقول لهم بجد غلاوتكم من غلاوة الأهل من كتر ما كنا خايفين لما لقينا ناس جاية علينا فكرناهم بلطجية، بنبص لقيناهم وشوش نعرفها، عمر ما هيبقى فى شكر كفاية ليهم كلهم".

وفى وصفها للحظات اعتقالها، استنكرت آية اقتحام جنود الجيش لمسجد النور واعتقالهن من داخل المسجد وإطلاق الرصاص على إحداهن داخله قائلة "اقتحم الجنود مسجد النور بالبيادات قدام عينى وإطلاق رصاص على مدام هاجر واعتقلت معايا، والعساكر مقلعوش البيادات إلا لما قادتهم أمروهم، وهاجر ضربوا عليها رصاص حى فى ذراعها جوه مسجد النور".

وأضافت أنه تم دس بعض المعتقلات معهن مشككة فى كونهن يتبعن جهات أمنية للتحرى عنهن قائلة "عدد البنات المعتقلين 15 بس الحقيقة إنه المعتقلات اللى فعلا من الثورة 8 بس والباقى كانوا تحريات حاطينهم وسطنا يراقبونا ويحاربونا نفسيا، حسينا ده من أول دقيقه لما محدش مد إيده عليهم".